戒片成功

終於喺亞女3歲5個月既時候可以成功戒咗片喇！但其實我一D野都冇做，喺剛過去既家長日，亞女既班主任話觀察咗好一排亞女同成班同學一齊去廁所既時候，條片片都係乾既，所以就叫我試吓俾女星期一返學就咁著底褲仔，果然成功，一次瀨尿都冇，仲自己識得舉手話去洗手間，媽媽我好開心呀！之前兩日仲好擔心亞女萬一瀨尿會俾同學仔笑嗎? 因只得亞女一個仲著梗片片。宜加佢自己戒到，真係一舉兩得，唔洗因訓練亞女戒片而攪到大家都唔開心！

又一週六晚餐

(1) 蠔油炒雞胸肉雜菇

(2) 蒜泥蒸茄子

又一個週日的晚餐

(1) 蠔油冬菇豬肉配生菜

(2) 蒜泥豆豉蒸烏頭魚

女女晚餐

蒜泥豆豉蒸鱈魚, 荷蘭蕃茄沙律菜配白飯

K1 開學了

女女8月中已經開學，雖然整體上來說沒有喊過，但却被老師説上堂不斷說話，仲要係唔停；初時連自己座位都坐唔耐，宜加就好咗少少；又貪食，個口仔既包包都未呑，見到同學舉手想添，佢就即刻成個包包放晒入口舉手要；食完茶點既杯碟唔肯自己收，要老師幫忙，自己就走開去攞玩具玩；由於老師話女女試過一次痾咗便便喺條片片度，痾完先出聲叫老師換片，所以我決定開始訓練女女自己上廁所。今日終於可以自己坐在厠所上痾到便便喇，媽媽好開心呀，聽到＂噗通＂嗰一聲真係好感動！至於其他規矩，老師都話要慢慢調較。


聽完老師咁講就即刻返家進行訓練，點之仲衰，第日返學即刻扭計，上上吓堂話要返屋企！希望女女乖d，快d學會守規矩，過一個愉快、開心既幼稚園生活，亦能遇上有愛心、明白妳既老師，可以認識幾個同哭同笑既好朋友。

又一個週六的晚餐

叫咗屋企人上黎食飯，四餸，總共一百四十四個大洋，五大一B，爸爸就出咗街約人食飯，我都可以做到食平 D ！雖然唔係D乜野好餸，不過勝在多菜少肉，少油少鹽，健康D，飯後再有雪糕做甜品 ^ ^

1) 白灼海蝦 $60，買時仲游緊水，所以隻隻都好新鮮，好甜，肉質很有彈性，很爽口

2) 涼拌黑木耳四季豆 $13

3) 雞脾菇炒椰菜 $16

4) 煎香草雞鎚 $55

一人晚餐

每個星期五都可以享受幾個鐘頭既自由，由於今晚爸爸要夜少少先放工，所以我就煮咗一餐飯俾自己食喇.....菜式有雞蛋炒飯及蝦醬炒椰菜，蝦醬除咗煮通菜之外，原來煮其他菜都好夾架 ^ ^