美味菜乾湯

因為冇街去既原故, 所以又留咗响屋企攪攪震..... 浪費柴火!! 是日例湯.... 鮮大白菜菜乾湯 材料: 1) 菜乾 ($8) 加 鮮大白菜 ($5) 2) 豬骨 ($15) 加 蜜棗 ($1) 及 南北杏 ($4) 3) 水 - 2,500 ml 步驟: - 洗淨所有材料, 特別菜乾, 前後浸咗佢一粒鐘, 換咗四次水, 煲完d菜乾都仲有少少沙.....um.....NO GOOD - 倒入2,500 ml 水, 連隨再下所有材料, 大火煲至水滾, 再轉细火後, 煲多個半鐘便可下鹽調味飲用 (p.s.: 今次既出色幫手, 就係佢喇....... 好用到爆.... 真係有佢旁身, 煲乜都得!! 防滾瀉之餘仲慳咗d柴火呢!!) 改進之處: 1) 下次不妨加多一隻槳魚, 應該會再好味d 。 同場加映.... 魚蛋再加雜菜粒伴飯!!