孕婦鞋

自有亞B之後, 第一樣買俾自己既就係呢對孕婦鞋, 心大心細, 買唔買好呢??!! 點知買咗就後悔喇...... 原因: 勁挖腳!! 其實佢d皮都好軟吓, 就係唔知點解o係o個腳踝位置有個線口位好挖腳, 第一日著已經出事, 挖到起水仆!! 今日諗住有噚日既經驗, 貼定膠布先出門口, 以防萬一, 典知...... 整穿水仆再起埋塊皮, 行唔夠五分鐘, 我已經痛到出晒汗, 好彩老公未出門口, 即刻急call佢攞對人字拖俾我著先返到工...... 唉!! 成六百蚊架, 早知唔買, 留o黎買大肚衫褲又或者買野俾亞B好過!! 肉痛死我喇...