音樂情人

真係好享受聽住 “音樂情人”這節目既短短一個鐘音樂, 已可令我心境平和....... 於願足矣...

係人定係鬼??!!

究竟呢個世界仲有冇好人o架......點解小妹我仲要咁傻咁天真去相信仲有好人存在....明明當初你同我講既時候係咁樣咁樣....但係最後出o黎既結果竟然完全唔同喎.....重點係仲要無聲無色, 連通知一聲都冇!!! 喂, 呀大姐, 我都有份o架....你洗唔洗學吓點樣尊重人呀!!! 借問聲 : 你究竟係人定係鬼呀??!! 但我可以肯定講一句, 你一定唔係好人...!!!! p.s. 唉....天下烏鴉一樣黑....到處都有衰人同好人, 只係我唔好彩啫!!

今日我牛一.....

happy birthday to me, happy birthday to me, happy birthday to me......, happy birthday to me~~~ 好無聊....係呀!! 我認o架..... haa haa... 人大咗, 對於慶祝生日真係冇乜太大感覺, 只要無驚無險, 又到五點, 準時放工就得o架喇!! 前o個三,四年都會專登攞一日大假o係屋企"hea"吓, 但近呢幾年都冇喇..... 可能好遺憾咁講句因為我冇乜朋友啦!!! 冇朋友同我慶祝, 放乜鬼野假吖.....呢十年八載都係得momo蟲同我食餐飯咋!! 唉....momo蟲係我個伴o黎o架.....乜都係得佢陪我o架咋.. 有時真係唔明點解有人相識滿天下, 但我連朋友都冇一人!! 我知我對人要求高, 但如果冇要求, 咁我不如自己一個, 我真係唔識冇要求咁相處, 我對你好時, 我都希望你對返我好....乜好難咩??....冇....咪算囉!!! 好彩我唔怕寂寞, 反而我仲好享受時常都獨處喎....有時我都會嫌momo蟲煩o架.....hehe.....

三年前既今日.....

唉!!! 估唔到三年前陽光普照, 天朗氣清既今日, 會為我換o黎遭受精神虐待既一世.....!!! 日日俾momo鬧.... 冇三, 五七個鐘誓不擺休o個隻....... 三年前既呢一刻....... o係金島坐定定等緊Marian同我化個靚靚妝, 身穿白色綉花旗袍既我.......哈哈.......阿娜多豬.......!! 今晚我地去金島食飯呀!! 我要重拾返三年前.......懵盛盛咬住隻大蝦仲以為自己會嫁得好幸福既我.......hehe........ 殊不知返到屋企擰開我至愛聽既音樂情人, 偏偏傳o黎”小玩意, 幸運星, 陪著你走, 幸福摩天輪”.......玩野咩!!! 我想高唱”玩殘我, 倒霉星, 陪著你嘔, 地獄摩天輪”.........haha…..

Singapore Trip - 3rd Anniversary (Day 3 & 4)

Day 3:

(1) Raffles City - Robinsons / National Museum of Singapore / Ture Blue

(2) Chinatown

(3) Singapore River / Merlion Park / No Signboard - white pepper crab

Day 4:

(1) Orchard Road - Ngee Ann City (Kinokuniya)

(2) Mandarin Meritus - Chatterbox Coffeehouse (Bak Koot Teh)

We took a short trip to Singapore for our 3rd Anniversary. Although momo didn’t enjoy it and he got sick, I quite liked this vacation.....hehe......

Singapore Trip - 3rd Anniversary (Day 1 & 2)

Day 1:

(1) CATHAY PACIFIC - in-flight meal

(2) Mandarin Meritus - Chatterbox Coffeehouse (Chicken Rice & lak sa)

(3) Night Safari

Day 2:

(1) ibis Hotel - breakfast buffet

(2) Little India

(3) Sentosa

(4) Old Chang Kee - snack

(5) VIVO City

(6) Orchard Road - ION Orchard

五行欠打

凡事我都想息事寧人, 大事化小, 其實我唔想鬧人o架……次次鬧完我都心跳加速, 至少都要經過廿多分鐘先可以平靜下來, 你估好過癮咩!! 大家都係打份牛工, 我依足晒程序做, 搵老闆簽晒名又有晒公司印章, 俾你做就做啦.......問長問短......問我係咪合法簽署人?? 我真係好想反問你: 你覺得合法簽名o個個人會唔會親自落o黎去處理公務呢?? 梗係我呢d二打六做啦.......我真係想講: 你係咪傻o架?? 更何況仲唔係第一次問, 係次次見親我都問一次!! 係要迫我埋牆角: 你宜加係咪想我投訴你呀? 你先肯去做…… 唉!! 真係五行欠打, 犯賤咩!!

人生大道理

"己所不欲，勿施於人"

FiVe dAYs WoRk

MONDAY I hate this day because after holiday….always make me inattentive….. TUESDAY Starting to put effort in the job but still remember holiday…….. WEDNESDAY To pay attention to work eventually…… THURSDAY Starting to prepare those wonderful events for the weekends…… FRIDAY Looking forward to those wonderful events on weekends and always make me inattentive….

deer vs horse

why everyone say that deer is a horse, it is a horse but I apparently saw it is a deer indeed....

有個人……

不知從何時起迷上了香港電台第一台由鄭子誠先生所主持既音樂節目: 音樂情人~~~ 印象模糊中只記得一次乘坐的士時偶然聽到便被吸引著……每晚準時都會自動扭開收音機, 陪著我吃飽飯洗碗筷又或享受著洗澡時既身, 心淨化!! 今晚從收音機傳來張學友先生既”一個人”………立時將我既思緒帶回三年前既某一個星期天, 我倆正參加”婚前輔導班”, 當時既導師為我地數十對準新人準備了一項互寫對方優點, 缺點, 表達深情既節目, 當時既背景音樂就是”有個人”…… 婚後三年, 雖然膝下猶虛, 仍期望如歌詞一樣.......” 到公園中散步年紀, 有老伴仍是你………” 很窩心………心滿意足了!!! 你還記得我倆拍拖時既傻話嗎??? 到了八十歲, 你我仍要在銅鑼灣激吻呢……哈哈……… 上個世紀　像已籌備　然後這生分享趣味 換了角色　換了場地都等待你 若要說出　甚麼是你　談話思想都可細味 明瞭內心　如同自己　寫我人生精彩傳記 同行共創造時勢運氣　相識一天算起 我敢擔起各樣危機　有背後人是你 同行共領會人世道理　假使一天上再飛 到公園中散步年紀　有結伴人是你 若到某天　尚可合照頭上多稀疏都美妙 肥胖或者　眉毛漸少　一切外表　都上重要 同行共創造時勢運氣　相識一天算起 我即使生氣及無理　有慰問人是你　 同行共領會人世道理　假使一天上再飛 有新相識我便提起　有個內人是你 同行共創造時勢運氣　相識一天算起 我敢擔起各樣危機　有背後人是你 同行共領會人世道理　假使一天上再飛 到公園中散步年紀　有老伴仍是你

GODIVA

An Unexpected Harvest of Hard Work........ Gold Ballotin (24pcs)

失而復得

忌廉棒終於番o黎我身邊喇!!! 係我媽咪幫我搵到既, 因為我大頭蝦真係留低咗忌廉棒係屋企呀!!! 我好感觸……如果天主都可以俾多次機會我地就好喇!!! 求聖母瑪利亞幫吓我地, 好似我媽咪咁, 等我地有多一次機會就夠喇!!! 求聖母瑪利亞為我地祈求上主!!!

哀悼

忌廉棒妳去咗邊!!!??? 我好掛住妳呀!!! 都係我大意，視妳如珠如寶，竟然遺失咗妳，最慘係我都唔記得係邊豎唔見咗妳。係公司? 我已經晨咁早返到公司，衝入茶水房......一股漂白水味，清潔亞姐早過我。轉戰自己張辦公枱，又冇......!!! 去洗手間問其中一個亞姐，又話唔關佢事，茶水房唔係佢管轄範圍......忌廉棒妳究竟去咗邊豎呀??? 噚日我明明記得妳同我一齊返屋企食飯，但走時又唔見咗妳….. 我地一齊八年喇!!! 妳竟然捨得離我而去......我好心痛呀!!! 忌廉棒......見字請速回!!!