又一週六晚餐

(1) 蠔油炒雞胸肉雜菇

(2) 蒜泥蒸茄子

又一個週日的晚餐

(1) 蠔油冬菇豬肉配生菜

(2) 蒜泥豆豉蒸烏頭魚

女女晚餐

蒜泥豆豉蒸鱈魚, 荷蘭蕃茄沙律菜配白飯

K1 開學了

女女8月中已經開學，雖然整體上來說沒有喊過，但却被老師説上堂不斷說話，仲要係唔停；初時連自己座位都坐唔耐，宜加就好咗少少；又貪食，個口仔既包包都未呑，見到同學舉手想添，佢就即刻成個包包放晒入口舉手要；食完茶點既杯碟唔肯自己收，要老師幫忙，自己就走開去攞玩具玩；由於老師話女女試過一次痾咗便便喺條片片度，痾完先出聲叫老師換片，所以我決定開始訓練女女自己上廁所。今日終於可以自己坐在厠所上痾到便便喇，媽媽好開心呀，聽到＂噗通＂嗰一聲真係好感動！至於其他規矩，老師都話要慢慢調較。


聽完老師咁講就即刻返家進行訓練，點之仲衰，第日返學即刻扭計，上上吓堂話要返屋企！希望女女乖d，快d學會守規矩，過一個愉快、開心既幼稚園生活，亦能遇上有愛心、明白妳既老師，可以認識幾個同哭同笑既好朋友。

又一個週六的晚餐

叫咗屋企人上黎食飯，四餸，總共一百四十四個大洋，五大一B，爸爸就出咗街約人食飯，我都可以做到食平 D ！雖然唔係D乜野好餸，不過勝在多菜少肉，少油少鹽，健康D，飯後再有雪糕做甜品 ^ ^

1) 白灼海蝦 $60，買時仲游緊水，所以隻隻都好新鮮，好甜，肉質很有彈性，很爽口

2) 涼拌黑木耳四季豆 $13

3) 雞脾菇炒椰菜 $16

4) 煎香草雞鎚 $55

一人晚餐

每個星期五都可以享受幾個鐘頭既自由，由於今晚爸爸要夜少少先放工，所以我就煮咗一餐飯俾自己食喇.....菜式有雞蛋炒飯及蝦醬炒椰菜，蝦醬除咗煮通菜之外，原來煮其他菜都好夾架 ^ ^

週日午餐

今日爸爸要返工，所以媽媽用星期六晚招待公公、婆婆用唔晒既食材係屋企煮咗簡單既午餐俾我食。食飽飽之後本來我都唔肯瞓覺豬，想即刻去廸士尼，但媽媽話咁早去都冇用，第一爸爸都未放工、第二媽媽話預約咗要夜晚先可以睇"金裝米尼"表演，所以係我不情願既狀態下被媽媽暗我瞓咗1小時又半個鐘既覺豬。瞓醒媽媽俾咗芒果我食做下午茶點，跟住就好開心約埋爸爸出發去廸士尼喇...... 仲睇埋放煙花先返屋企。

花園餐廳

好耐冇去花園餐廳食飯，今日去咗北角閒逛，路經此餐廳又咁啱到食飯時間，所以二話不說就上咗去。花園餐廳原來英文係 Sweetheart Garden ^ ^

週六晚餐

去街市見到海鮮檔 D 食材好新鮮又平，所以買了二十元花甲煮勝瓜，夏天盛產既蔬菜之一，同場加埋粒粒薯仔炒豬肉。亞女好鍾意食，可能薯仔粒加咗少少咖喱粉落去煮，所以好惹味
 ^ ^

BB版 - 豆腐粟米羹

之前就咁開罐罐頭粟米羹加 D 豆腐、冬瓜整咗個湯當一餐飯，飲緊之際忽發奇想諗吓不如試吓整個 BB 版俾亞女試吓......

大人版 ：

BB 版 ：

31個月

又一件事令到媽媽好開心要記錄低，女女前兩晚沖完涼後吹完頭準備入房瞓覺時，自己無端端指住張 BB 床話瞓呢度，我即刻好興奮咁話係咪真架，今晚自己瞓 BB 床，唔同媽媽瞓喇，佢話係，抱佢落床仔時佢好開心，因為新鮮嘛，熄晒燈後瞓咗係床仔唔夠 5 分鐘就叫抱返出黎，又玩牆簾布咁，最终都係要同媽媽瞓。

前晚又話自己瞓，我冇理佢，繼續同媽媽瞓。

到咗噚晚，我再一次問女女今晚試吓自己瞓床仔好嗎？再一次答好。開頭都要我拍住瞓，大概 15 分鐘後瞓著咗就一覺瞓天光喇！只係中途發夢叫咗幾聲，我即刻起身拍咗兩吓，女女見到係媽媽之後好快就瞓返喇！

為咗女女瞓覺既問題，我辛苦咗兩年半，终於收成喇！女女可以自己獨立瞓覺，傻媽媽覺得好安慰呀！

BB 版 - 魷魚豬肉釀豆腐

BB 版 - 豬肉蝦膠釀豆腐卜

2015 國際博物館日

免費入場，所以星期日帶咗女女出尖沙咀去行一轉。因時間有限，其實我地已經好早出門，但都只係去得一間〝藝術館〞。

我的有機耕作 - 第一回 (更新)

五月十五日：為番茄剪去底層既枝葉，將主幹捆綁在竹枝上，套埋自製防蟲袋，即刻靚仔返晒。隔離三棵韭菜終於可以重見天日。但青瓜種子仍然未見小幼苗長出來，原來上次自以為係既小幼苗是雜草。

大個女

我個寶貝女終於都嘗試咗人生第一次既淋浴喇，作為媽媽既我真係好想記錄低呀 ^ ^ 還有十多天才三十一個月大，完全唔洗迫或氹，噚晚沖涼自己行入洗手間企缸，我問了一句〝BB不如試吓企係度沖涼囉〞，佢立即點頭話好。其實還沒用到花灑，只用盆仔裝水照頭淋，淋水沖走洗髮液時只是不停講〝好驚〞，係一個好好既嘗試，沖涼都係企出浴盆外 ^ ^ 媽媽好開心，以後唔洗再腰痛手痛喇 ^ ^


只要小孩本身身、心都準備好，其實好多事情都唔洗迫，自自然就會做到。媽媽好期待好快會有下一次既第一次，就係“戒片”喇..... ^ ^

雲南米線

專食雲南米線既舖頭有好多間，呢間係喺我屋企樓下

(1) 酸辣腩肉雞肉米線

(2) 炸豬扒

但都係姓氏那間先對我既胃口 ^ ^

我的有機耕作 - 第一回

種番茄 :


四月十八日翻土同落種子


今日四月二十四日先再淋水，相隔太多日喇，土壤乾淨淨


下水後，自我感覺良好，小幼苗好似精神返晒 ^ ^

四月二十七日再翻土淋水

四月三十日再翻土淋水

五月四日除了翻土淋水之餘，還第一次為農作物施肥，今次肥料係雞屎。下了青瓜種子在番茄、韭菜旁邊，收成就有三種蔬菜可吃 ^ ^

五月七日：因有驟雨，D泥都濕濕地，所以今日只需淋水便可以，施肥後，番茄同韭菜明顯有變化，好像大了點。跟手除去番茄些少枯葉，為青瓜BB用作遮蔭之用 ^ ^

2歲半

女女黎近將滿兩歲半，橫豎夏天也即將來臨，一於同佢戒片片同嘗試用花灑沖涼，來近接九月份K1開學 ^ ^


因為好多時都唔肯自己行路，為免公公婆婆要抱辛苦，又去Mothercare 買了一部頗便宜既士的車用。


前後總共買了三部手推車，擺仲多過用，其實都幾浪費，唯有拎去倉，睇吓將來有冇表弟妹可以用。

One-pot Pasta

前排興完用電飯煲焗"蕃茄飯"後, 近期網絡又一熱爆既懶人 One-pot Pasta, 噚晚試整要黎今日帶飯..... 好味之餘真係夠晒方便, 切晒所有食材就咁放入鍋中加水待滾就食得 ^ ^

人地放煙肉，我就放臘腸 ^ ^

冬菇亭

每逢星期五就係我最期待既日子, 因為逢星期五夜晚女女都會留係婆婆家多兩至三個鐘, 待吃完晚飯我先接佢走, 咁我每個星期就有兩至三個鐘既自由時間可以放咗工行吓街, 睇吓野喇 ^ ^


上個星期五就去咗一個冬菇亭度食小炒, 呢個冬菇亭我每日上下班搭車都會見到, 已經想試好耐, 唔食還可以, 仲可以充滿想像空間, 食咗就慨嘆中伏, 入到去坐低老公話食小炒既地方貢小人都唔慌好野, 但我真係想試好耐, 咁就叫咗以下三個餸加兩碗靚仔, 埋單二百三十幾, 冇鍋氣之餘仲食唔飽, 我知, 宜加物價貴吖嘛, 但你係冬菇亭喎, 我相信你既租金應該唔會好貴啩!!  食完仲要過隔離麥當當食雪糕新地同紅豆批先至剛剛夠飽 @@


(1) 黑椒炒牛柳

 

(2) 菜芯炒鮮魷

 

(3) 韭菜豬紅

27個月

好耐冇寫, 又黎更新吓先!!  不經不覺女女已兩歲有多, 黎近九月幼稚園K1開學喇..... 媽媽好期待妳正式踏入人生第一個學生旅程哦 ^ ^


進入兩歲後, 女女真係曵咗好多, 踏入第一個反叛期 - Trouble Two, 真係反叛到不得了, 叫佢唔好做既野就特登去做, 試大人底線, 頭痛!!  每日朝早由起身換片至可以踏出門口返婆婆家都要拉鋸至少半個鐘, 明明10 至 15分鐘可以完成既例行程序唔明點解要如此耐 @@


其他方面如自己進食都好好, 講野已經可以講到簡單句子, 一個動詞加一個名稱。開始識得使用代名詞 : 我 / 你。每次去公園玩都好鍾意跟住D大過佢既哥哥, 姐姐跑, 人地都唔識佢, 係都要跟住人, 人地笑, 佢又笑!!  偶然遇到D好既哥哥, 姐姐就會話妹妹俾你玩或一齊玩, 有D就唔理佢, 唔好既就有D會叫佢走開 :(


戒片方面或者黎近既夏天會試吓, 看看能否成功!!  大致上各方面都跟得上健康院定下二至三歲小孩應有既標準 ^ ^