臍帶護理小百科

幫 嬰 兒 洗 澡 時 ， 避 免 讓 尚 未 脫 落 的 臍 帶 浸 泡 在 水 中 。 臍 帶 被 水 略 微 淋 濕 並 無 大 礙 ， 只 要 徹 底 拭 乾 即 可 。 可 以 使 用 醫 用 酒 精 擦 拭 臍 帶 ， 每 天 一 至 二 次 ， 以 確 保 臍 帶 的 清 潔 乾 燥 。 穿 著 尿 布 時 ， 應 避 免 覆 蓋 到 臍 帶 。 發 生 下 列 情 況 之 一 時 ， 應 立 即 與 醫 生 聯 絡 或 就 醫 ： 臍 帶 流 血 臍 帶 有 分 泌 物 臍 帶 惡 臭 肚 臍 周 圍 紅 腫 跟足步驟 潔面洗臍帶好簡單 文章日期：2010年10月20日 【明報專訊】初生嬰兒「軟腍腍」，每次替他們換尿片、洗臍帶，甚至清潔臉孔，不少父母也覺得甚為艱難，生怕會弄傷小寶寶。其實只要跟足養和醫院護士學校產科教師袁秀建議的步驟，照顧baby，一樣好easy。 臍帶處理 洗澡後抹乾臍帶（圖1） 每次為初生嬰兒洗澡後，必須抹乾臍帶連接肚臍的位置。洗澡後可先替嬰兒穿上衣服和尿片，避免著涼，然後才慢慢清潔臍帶。 棉花球打圈輕抹（圖2） 方法﹕用棉花球沾上開水或70%消毒火酒，用打圈的方法環繞肚臍的蒂部輕抹。用一粒棉球清潔完後，可更換另一粒棉球再抹淨。 小貼士 臍帶自然脫落 初生嬰兒一般在出生後7至10天，臍帶會自動鬆脫，但仍有些嬰兒的臍帶，會待較長時間後才會脫掉，父母毋須過分擔心。而臍帶一般不會一次過完全脫掉，若呈半分離狀態，應由它自然脫落，父母千萬不要用剪刀剪掉它，以免出血。 小量滲血 開水輕抹 臍帶脫落後，也許會滲很小量的血，父母可用冷開水或火酒為嬰兒輕輕抹乾淨。一般來說，肚臍連接臍帶部分不會出現黃色分泌或滲血，如有問題，父母應帶嬰兒到醫生處檢查。 示範﹕養和醫院護士學校產科教師袁秀 資料來源: 明報 天冷的話,先把頭髮洗好擦乾再脫掉衣物,就可以慢慢下水泡(baby要像斜抱在身上一樣(即妳的身體要貼著寶寶),先從腳開始入水適應水溫,再來屁股,寶寶不害怕的話,妳就可以單手抓,讓寶寶的肩&頭靠在妳的手臂上),用紗布巾輕輕洗全身(只要注意不要踫到臍帶),洗好後一定要用醫院給的臍帶護理用酒精(好像濃度是95%)&細棉花棒,將臍帶的根部(即臍帶和肚臍間的縫細)擦乾即可(棉花棒上有擦過髒的地方不可以再重覆擦臍帶,所以要多用幾枝棉花棒),過約一個星期臍帶會自動脫落. 臍帶未脫落前，上半身用擦的，臍帶不要碰到水，水盆裡水只要裝一點，可以洗到屁屁就ok，臍帶約一個星期就會脫落 【明報專訊】長女出生時，我用酒精替她洗臍帶，下月我將再做媽咪，不過陪月姐姐說這次不可用酒精洗臍帶，請問原因何在呢？ 初出生的嬰兒，臍帶會帶點濕潺，呈透明或帶藍色。兩星期後，它會漸漸乾硬並轉為暗黑色，然後自然脫落。在此期間，最重要是保持臍帶清潔。 清水酒精效果一樣 其實，用清水或酒精清潔臍帶效果一樣，只不過酒精比清水更花錢。一般替寶寶洗澡時，會同時清潔臍帶，用沾有清水的棉花清潔臍帶及其周圍，再用毛巾輕輕把臍帶徹底抹乾便可；至於使用酒精棉球，也必須要做到真正的「乾」「淨」才可以，因為不少人使用酒精棉球時，忽視了酒精會阻延臍帶自然乾涸的特性，留下濕氣，容易導致細菌滋生，反而不妙。 尿片勿包過臍帶 同時，為了保持臍帶乾爽，免被尿液沾濕，替寶寶包尿片時，可把腰際的尿片反下至臍帶下方，不要把尿片包過寶寶的臍帶部分，讓它露出來通風，保持乾爽，避免寶寶尿液在尿片中散開時弄濕臍帶。 如果發現臍帶周圍的皮膚出現紅腫、臭味，或附近長出像小肉粒狀的肉芽（這些肉芽會妨礙肚臍的皮膚癒合），這時就必須尋求專業指導，醫生會視乎嚴重情況作適切治療。 資料提供﹕荃灣港安醫院產科部高級護理經理陳章瓏

Bath for Baby

http://www.youtube.com/watch?v=aLmxLSwTYvM http://www.youtube.com/watch?v=oLnTtrm9U_E&feature=related http://www.youtube.com/watch?v=I7dF_sLlVOU&feature=related how to care Baby's Umbilical Cord http://www.youtube.com/watch?v=AoDQ4PUTu4o&feature=relmfu

BreastFeeding

How to breastfeeding http://www.youtube.com/watch?v=zAAPzJO-8_E&feature=relmfu http://www.youtube.com/watch?v=KSWaFMlckdc&feature=related http://www.youtube.com/watch?v=J0BohqdzszE&feature=related

好掛住亞B ~~~~

好掛住亞B呀~~ 唔知佢宜加係我個肚入面做緊乜野呢??!! 又要等一個月之後先可以返私家醫生度做產檢, 到時先可以再聽到你既心跳聲同透過照超聲波先至再見到你喇~~ 上YOUTUBE搵吓屬於16 weeks 既 baby video 睇吓頂住癮先, 等我可以大概知道你既成長情況~~ http://www.youtube.com/watch?v=VsjcqkOjp0U 亞B, mama miss you so much……….!!!!!

第四次私家產檢

 

我成日同老公講, 下次再去產檢應該可以知道亞B係男仔定女仔喇!! 所以老公專登攞一日假陪我去做檢查。個衰豬第一次俾醫生照時就夾實對大脾仔, 隻手仲潑咗一吓, 好似叫人唔好影我呀, 唔係就拆你菲林。醫生就叫我出去行吓轉頭再返入去照過, 典知行咗成粒鐘, 個衰豬今次竟然玩瑜珈, 用隻腳仔遮住個重要部位喎.... 激C人喇!! 你快d俾我知道你係男仔定女仔, 媽媽可以早d買野俾你吖嘛!! 我同老公講既然亞B同我地玩神秘, 不如就唔好照, 等到佢出世先開估, 所有被仔, 衫仔都買中性顏色咪得囉, 老公話冇所謂, 以前我地父母生我地時都冇得照呢照路架啦…… 貢又係!! 老公仲話浪費咗佢一日假, 等亞B出o黎佢就知味道喎…… !! 亞B, 唔關媽媽樹架, 你自己拆掂佢喇!!

士林台灣麵

有一晚無意中瞓唔著, 扭開電視睇J2, 俾我見到呢間士林台灣麵。見到介紹碗招牌牛肉麵, 即刻抽起我條筋好想食呀!! 就星期五去做私家產檢前, 同老公晨咁早入元朗會一會呢碗牛肉麵先。間鋪早上11:00正先肯俾客人內進, 爭一分鐘都唔俾你入,就係咁我地就係佢門口附近打咗成大半個鐘白鴨轉先食到呢碗麵。 11:01內進已有3張枱俾人坐咗, 去到11:15已經全鋪坐滿人, 到了11:30已經要等位喇!! 當然間鋪都唔係好大, 應該都只有20張枱咁上下。可能係閒日既關係, 樓面得一個伙計, 不過都好快手快腳, 抵讚!! 我地叫咗一碗

招牌牛肉麵

過橋餃子

炸魷魚鬚同一杯珍珠奶茶

埋單都係百零蚊多d, 都好抵食!! 招牌牛肉麵 o係台灣食d味濃d, 老公話可能個老闆就返香港口味 淡d, 不過都好味, 我地都成碗湯飲晒。唔能夠即刻飛去台灣食, 呢碗都可以頂吓癮先..... 唔..... 好掛住我個網誌背景個碗牛肉麵同豬手。 過橋餃子 點黑醋好好味, 不過可能我點得太多, 食完好口乾。 炸魷魚鬚賣飛費, 無得彈呀!!

孕婦鞋

自有亞B之後, 第一樣買俾自己既就係呢對孕婦鞋, 心大心細, 買唔買好呢??!! 點知買咗就後悔喇...... 原因: 勁挖腳!! 其實佢d皮都好軟吓, 就係唔知點解o係o個腳踝位置有個線口位好挖腳, 第一日著已經出事, 挖到起水仆!! 今日諗住有噚日既經驗, 貼定膠布先出門口, 以防萬一, 典知...... 整穿水仆再起埋塊皮, 行唔夠五分鐘, 我已經痛到出晒汗, 好彩老公未出門口, 即刻急call佢攞對人字拖俾我著先返到工...... 唉!! 成六百蚊架, 早知唔買, 留o黎買大肚衫褲又或者買野俾亞B好過!! 肉痛死我喇...

傻媽媽

還沒成功製造小B之前, 我呢個傻媽媽已經買咗少量用品喇, 我都覺得自己有點誇張呢!!

(1) 小B既戰車, 咁啱行經海港城, 見CHICCO減價, 就買了

(2) 有朋友生BB, 買開衫仔送俾佢, 見到咁得意, 真係令我愛不釋手, 咁就買了一套留俾自己既小B

(3) 係CHICCO買了B車, 送了兩張COUPON, 就用埋佢再加多少少錢買了一個玩具同牙膠

BINGO

經過兩個週期既努力, 終於我都如願以償, 成為12月媽媽喇…. !! 睇電視成日話好容易中, 但現實生活其實是兩碼子的事, 當中是包含好多計算的, 單是幾時排卵, 何時行房都要計算, 等既過程又相當熬人, 真是殊不簡單!! 我的煎熬過程就是量體溫, 用試紙計排卵, 再同老公夾時間, 進行過程當中, 老公不知埋怨過我多少次呢~~

(1) 量體溫

 (2) 用試紙

 (3) 驚自己睇錯, 再買埋 Clear Blue, 有笑臉閃閃

 得咗....

很難捱的頭三個月

真係日嘔夜嘔, 我從第五週開始就時常嘔, 外國人稱之為MORNING SICKNESS, 但其實係 WHOLE DAY SICKNESS至啱, 那種感覺就像時常有人用手握實你條頸既感覺, 咁你係咪會好想嘔吖~~ 除了上班, 基本上我係日訓夜訓, 只有睡著既時候, 我先會舒服小小, 不過訓醒之後, 俾人握頸既感覺會再有!! 上班途中, 真係又一大挑戰, 搭地鐵, 搭巴士都想嘔, 唔好彩既話, 撞正有周身汗味既人就慘喇~~ 我本身既嗅覺都幾誇張, 稍為有小小怪味或嗅味我已經會即刻反胃, 自有小B之後, 嘩…. 簡直不得之了, 嘔到七彩!! 頭三個月我都沒有胃口進食, 但其實我個胃係咕嚕咕嚕響呢~~ 沒有太多食物下肚, 但又嘔喎, 咁就嘔胃液同黃膽水囉, 嘔完喉嚨又苦又俾胃液淖痛……. 坊間有很多偏方話能夠止嘔, 食話梅之類”口立濕”, 飲橙汁, 但對我也起不了太大作用, 食完個口會很酸, 會有怪味仲想嘔~~ 不過每當晨早刷牙時, 我都有小小心得, 就係一起身吃兩, 三塊疏打餅先再去刷牙, 咁就會舒服些, 冇咁容易嘔, 但唔代表唔會嘔喎~~ 你話我污穢未刷牙就去食餅都係咁話, 當你每次都嘔到胃抽筋既時候, 你就會完全失去晒理智!! 自有小B之後, 真係有好深體會, 當媽媽真的不容易!! 幸好我本身也很孝順, 我的爸, 媽是我的寶呢!! 我深刻既體會係我也知道有為數不少既妻子本身係唔想有小孩, 但因丈夫想要而為對方作出如此選擇, 我真的很想講請你多多愛惜, 愛錫你的太太, 因為真的很辛苦, 那種身, 心既疲累, 你們當父親的, 是永遠感受不到, 尢其是那些需要周圍走同需站立很久的全職媽媽, 佗B過程應辛苦很多倍呢!! 慶幸, 我的是坐8個鐘既寫字樓工作~~ 有時我會忽發奇想, 從國家地理電視頻道看見的獅子媽媽, 斑馬媽媽, 它們只需要佗很短的時間就可以生產, 我會諗它們不也是可在草原奔跑, 覓食, 瀟灑自如嗎?? 其實它們有否不舒服的時候!! 如果人類都可以好似獅子媽媽, 斑馬媽媽這樣, 那多好!! 但正因如此, 方能顯出人類與畜牲之大不同, 人是萬物之靈, 所以請活出人格來!!