鴨咀杯

終於都識得用鴨咀杯同軟管飲水喇..... 宜加13個半月, 更正年齡係啱啱先一歲!! 仲未識行, 扶住行兩步又坐返地, 超懶..... 好多BB 已經跑咗幾個月喇!! 媽媽唯有安慰自己, 爬耐d 都係對嬰兒好既!! 不過28號要返健康院見姑娘, 到時如果仲未識行兩步, 唔知會唔會需要轉介去上什麼訓練大小肌肉堂呢??!! 前排皮膚敏感, 兒科醫生同皮膚科醫生都睇埋, 但都唔知什麼原因引起, 媽媽只好記低曾經俾過奇異果你食, 同埋蓋過媽媽件冷衫, 接觸過媽媽用黎抺地既濕紙巾以作記錄, 避免再讓你接觸到

農曆一歲生日

今日係寶貝女農曆一歲生日, 還有十數天就到新歷一歲生日, 一年喇, 當中既辛苦, 真係非筆墨所能形容, 但每當望著這個小人兒, 心總會被狠狠地溶化!! 因是早產兒的關係, 體型方面始終都是偏細碼, 相比足月的嬰兒, 個樣仍然很Baby, 衫生時的和尚袍仍然可穿, 當然下排那幾粒PP扭扣就不能再扣啦!! 身高就頗長, 好多一歲嬰兒應該做到既反應, 行為都跟得上, 還超曵呢^^ 星期六同爸爸, 姨姨帶她入了屯門有機農虛買菜煲粥, 還買了四個紅肉火龍果, 初嘗火龍果汁, 一手推開, 可能顏色紅, 很像她最怕飲既藥水, 所以不喜歡, 只俾面飲了幾口!! 最可愛就是扶著床欄由左面行至右面, 再由右邊行回至左邊, 活像動物園裡的老虎花豹, 偶然又會遊行一圈:p

小小睡時習慣

是否每個嬰兒都會有自己小小既睡覺習慣呢?!  我個寶貝女就每次"暗"佢瞓覺時就係抓住人既衫領, 無論"暗"佢既係公公, 婆婆定係我... 很可愛 ^^

公公話媽媽細個時每逢瞓覺就找住公公條褲腳用手指仔搓, 搓, 搓就會瞓著, 舅父就要食手指, 食到要用手指水 ^^

兩款新粥品

今個假期我又整咗新口味既粥仔俾寶貝女食, 星期六食珍珠紅蘿蔔仔瘦肉粥, 生果係恐龍蛋(plum), 只俾佢咬幾口, 對Baby黎講始終都係有點爽同硬, 但我個女太貪食喇, 每次見大人食野, 都會笑晒口咁對住你, 期望可以嘗到一口, 當爸爸媽媽食麥當當早餐時, 又不停望著你笑, 希望能分一口, 最終吃了麥當當熱香餅半塊!! 星期日食紫菜豆腐瘦肉粥, 點心係士多啤梨蘋果味嬰兒餅乾, 隻臭豬仔搶住食, 最開心係佢識得自己用兩隻手指仔執起黎食, 好得意!! 跟據健康院既成長進度表, 一個十一個月既Baby, 應該懂得用杯飲水同自己可以放食物入口, 得閒要多d 訓練佢用杯飲水至得!!

母親大人61歲大壽

實在太大頭蝦, 竟然唔記得咗shshma 61歲大壽, 見"熊貓"酒店有團購就買了一家人六大一小B, 諗住今年同shshma慶祝食生日飯, 付了錢同老豆傾開才醒起今年應該係大壽, 即刻急忙補鍋平平地買了一隻小小紅鑽戒當作大壽既生日禮物 雖然係團購, 但食物質素也很好, 品種數量亦多, 很多款式既食物我還沒吃已很飽, 連最多要求既父親大人也覺不錯, 如再有團購一定會再購買

出牙仔

上一隻, 下兩隻, 咬落媽媽隻手度很痛呢, 咬落爸爸內側手臂, 痛到大哎仲瘀埋, 有個紫色v型牙仔印呢!! 食物方面: 因為咳既關係, 嘗試煲川貝海底椰瘦肉湯, 搶住飲, 但唔多肯飲水, 中秋節時初嘗水晶梨, 白桃, 提子 行為: 可以扶住床欄圍住張床仔自己行一圈, 震震吓, 腳短短, 搖搖欲墜咁, 很可愛 認知: 每逢想做曵野, 就會望吓你有乜反應先, 叫住佢就會望住你停一停然後繼續曵, 想拍吓佢手仔等佢知唔可以曵, 但佢以為你同佢玩, 有樣學樣拍返你, 不過有次很曵, 我用力點打了她手仔一下,都停咗幾分鐘但又曵過…… 唉!! 開始要研究下用什麼方法教隻曵蟲喇

寶貝女既第一個早秋節

除了聖誕節, 中國農曆新年, 過冬, 中秋節也是我最喜歡既節日之一, 總期待可快快下班回家一家人齊齊整整圍埋吃飯, 今年更加特別, 家裡有個新成員- 我的寶寶, 舊年中秋節還在媽媽肚子裏呢!! 姨姨買既鴨鴨燈籠, 很漂亮但音樂聲太大, 最後要玩姨姨個燈籠"豬熊"

又試新食物

踏入十個月, 已經可以週圍爬喇, 攪東攪西, 乜都要掂吓, 充滿好奇心 自己既玩具玩一陣就覺得悶, 反而對大人既物品就好好奇, 成日要搶o黎玩, 放入口, 電視搖控器, 無線電話, iPod, 一張硬卡紙都覺得好好玩 早兩日更可以自己扶住張床欄企起身喇 食物方面再試新既有: 粟米, 莧菜, 啤梨, 藍梅, 蘋果, 菠菜味意粉10數條

我的心肝寶貝

很久沒更新我的博客了,當了九個月媽媽, 囡囡實在有太多的第一次, 所以一定要好好記下!! 反身: 六個月 (我個女真係好準時, 一踏入六個月就反到身喇, 之前好賴架, 反兩反, 反唔到就大字型咁瞓响度) 坐: 九個月(一踏入九個月, 自自然然識坐喇) 爬: 九個月(一樣, 踏入九個月, 自自然然爬咗兩步) 食糊仔: 六個月開始食 食粥仔: 八個月開始食 (食過蕃薯, 薯仔, 節瓜, 菜心, 南瓜, 青豆, 豬肉, 雞肉, 鯇魚, 三文魚) 也試食咗少許白麵包