17個月

終於都識得行路喇..... 不過就要拖住隻手仔, 雙手拖住可以行遠d, 單手拖就行得冇咁遠!! 始終都係早產B, 生理上既所有進度都真係跟返自己既更正年齡(15個半月), 不過媽媽我從來都唔介意妳生理進度慢, 只要每次返健康院同見兒科醫生都話妳及格, 媽媽就OK 架喇~~ 媽媽唔會迫妳讀認字咭, 學數1-10, A, B, C, 讀圖書, 只會隨著妳既意願, 狀況去成長!! 不過從16個月開始起就食少咗野, 每次食粥又或者爛飯都係食得幾口就擰頭仔唔食, 但又不停口食雜糧, 手指餅呀, 生果呀!! 唔通16個月都會有厭食期??!! 俾妳食兩湯匙大人飯加魚肉, 又係食得唔多, 又驚妳咬唔爛, 會胃痛, 因為還沒長大牙嘛, 只靠牙肉去磨食物!! 真令媽媽頭痛 @@